 |
|
|
||
 |
|
:: PROSA OCCITANA | ||
|
Accueil > Occitan > Prosa Occitana | |||
|
"Luònh...Es d'enlai que tòrne. D'un pais que jamai auriái pas cresgut qu'existiguèsse. E pasmens èra pas sòmi. Pas per ieu. Èra la vida veraia." ISBN : 2-84974-018-7 IRN : 9-782849740187,
|
|||
|
« Èrem
qualques jovents que sabián qu’anavan morir abans vint
ans. De la vida que viuriam pas, regretàvem sonque l’amor
que ne seriam per tot jamai ignorants. D’images encara
nos perseguissián, de cuol e de cuèissas doças
que jamai ne saupriam pas la mofle. Aquò nos enfectava de
morir piusèls, coma una injustícia de mai que nos
èra facha. Envejàvem los ainats qu’avián
conegut aquel bonur. Bicar un còp per morir puèi,
e nòstra vida nos auriá paregut complida, bona a èsser
trencala, quand la sentissiam incompleta, abortada, sens lo pelegrinatge
dins un còs de femna. La nuèch, quand lo desir se
podiá pas pus patir, nos levàvem d’escondons
per nos pinholar dins las bartas sus d’imatges de carn femenina.
Fasiam de per còr çò que cresiam qu’èran
los gèstes de l’amor. Nòstra vana semença
l’escampàvem sus de matas de mugas e nos tornàvem
jaire, atristesits e amaisats per un moment. » ISBN : 2-84974-018-7 IRN : 9-782849740187, |
|||
|
Ai ! lo desir,
avètz bèu ròtle amb vòstre desir
que vos ven ais uelhs coma lo velhaire dau mond, bèu ròtle
de nos faire creire a son bonaür e a son espetament e après,
de que faire après, donc, de que pensar après amb
totei lei gèsts vergonhós e banaus de la cigarreta
alucada, la lenga que se bolega soleta dins la boca per vestir lo
silenci que se pòt pas eternalament lecar lei fendas umidas
e escartar d’aise d’aise amb lei dents, de la poncha
de l’esmaut, lei labras sarradas de la cambra. E, digatz-me,
de que dire e de que faire après ? Comolar, comolar lo vuege,
l’organizar, faire coma se, coma se pòt faire, coma
se podriá faire, coma se deu faire, lo temps de recomençar
s’o podètz, de laissar tombar lo tròç
de carn flaca que vos pendola entre lei cambas ò alara de
ren dire, d’acceptar lo silenci coma paraula, d’escotar
lo respir de l’autre e lo sieu, de lei comparar, de veire
son pitre se levar e se desgonflar, esperant la sòm, lo roncament,
lei cambas umidas que se cròsan, de se desvelhar e partir
a la muda per òrta |
|||
|
Lo Corbatàs roge representa, dins sa version originala d'òc, lo sieisen volum de Verd Paradís. Los legeires de Max Roqueta i tornaràn trobar, a lor cima, totas las votz ja presentas dins los volums precedents, aquí recampadas dins un ramelet de tèmas e de composicions narratives a l'encòp plan divèrsas e totas fortament sageladas per una quèsta pariera dels ressons infinits de la paraula e de sas cargas sempre renoveladas d'umanitat. Del raconte " chinés " dels tempses classics (" Lo corbatàs roge ") que balha son títol al libre fins a las evocacions de las garrigas del pais d'Argelièrs (las pròsas meditativas dels " Desèrts dau mond " e dels " Desèrts dau sòmi "), son, dins lor ample e lors restontiments, totas las dimensions d'un univèrs d'escritura excepcional que se pòt embraçar. ISBN : 2-912966-72-8 , IRN : 9 782912966728 |
|||
|
"s'es totjorn pensat que faliá
escriure un roman per estre un escrivan vertadier. |
|||
|
La poësia de Felip Gardy quita
pas de nos interrogar sul mistèri de nòstra encarnacion,
a saber nòstra dintrada dins lo temps, la matèria e
la vida, tot aquò dins un lirisme despovesit de tota sentimentalitat,
temptant de remontar a las fonts escuras de l'èsser tot en
renonciant a tota illusion, languison o concession a la facilitat. Recull de poèmes de Felip Gardy amb la traducció al francés de J-I Casanova. ISBN : 2-912966-63-9 -Mars 2002 - Poësia - 14 x 22 cm. 80 p. 500 ex. Legir Veure fotos de la diada d'encontra amb Felip Gardy |
|||
|
Lo libre dels grands nombres recuelh
de uèch novèlas que dins son títol s'i pòt pas ausir un resson del
roman de Joan Bodon, es plaçat jol signe de la somiariá sus las
matematicas. Dins caduna d'aquelas novèlas, "maquinetas faitas d'escombres
de sens, de material de recuperacion", podèm, a la seguida de l'autor,
destriar qualques unas d'aquelas "abstraccions de creaturas que sèm
a mand de venir. Creaturas qu'aquel pichòt libre dels grands nombres,
escrit per un sembla-falsari, a assajat de n'aguantar qualques rebats
enganaires". Prix Antigone Ville de Montpellier 2000. (occitá) ISBN : 2-912966-07-8 - 1998. 256p. 15.24 Euros |
|||
|
És un llibre d'actualitat que tempta
una anàlisi de dues societats, l'occitana i la catalana, a finals
del segon mil.lenari, en una època en què s'ha molt envellit l'Estat-nació.
Aquest llibre és el primer que presenti de cara a cara el text
occità i el text català. És escrit per un autor que no té cap temor
de cara als poders, si no té tampoc cap complaença per als seus paisans.
(bilingüe català/occitá) ISBN : 2-905828-30-7 - 1991. 221p. 14.50 Euros |
|||
|
Lo jornal d'un mètge montpelhierenc
del sègle XVI, al temps de la pèsta. A l'encòp raconte, libre
de rason e davalada al fons pus fons de l'inconscient e de sos images
enigmatics, aquesta Cèrca de Pendariès recampa totes los poders d'encantament
e de dobtança de l'òbra anterior de son autor. (occitá) ISBN : 2-905828-73-0 - 1996. 256p. 15.24 Euros |
|||
|
Libre de rason de la dolor, e mai
letras d'amor per una femna embarrada dins la folia d'una cambra,
l'òrla dei matins es lo raconte d'una abséncia e d'una revelacions.
L'Ambre pòt èsser legit coma lo diari d'aquela escritura e de son
malaise. (occitá) ISBN : 2-905828-83-8 - 1996. 104p. 11.50 Euros |
|||
|
Amb la Cèrca de Pendariès, Max Roqueta
nos prepausava une davalada dins las baumas del còrs e de l'esperit
umans. Es lo ton e las dimensions d'aquesta davalada vertiginosa
que tornam trobar uèi dins Tota la sabla de la mar : pròsa de l'acabat
e de l'inacabable, del temps que se'n va e del temps que se revira.
Pròsa, fin finala, de l'eternitat que se cava e se fai sensibla dins
lo quite moment que sa preséncia, estranha e capuda, escapa e se tresmuda
en faulas innombrablas. Raconte tot d'ambiguïtat, coma son personatge
principal, aquel libre nos mena, a las confinhas del paganisme e del
cristianisme a nàisser, dins d'encontradas desconegudas que lor realitat
es bèl primièr images, sòmis e musicas. (occitá) ISBN : 2-905828-87-0 - 1997. 256p. 15.24 Euros |
|||
|
Del camin del langui al camin del
doble despartible, un Caminaire cèrca de passar las dotze pòrtas de
la Ciutat dels Rebats. Cons’ escapar al cercle ofegaire ? Un dròlle
mut ajudarà lo Caminaire a trobar l'espirala desliuraira. "Lo Caminaire
se pensèt que çò escrich, fin finala, es pas qu'un ga entre doas paraulas,
freule compés, tunica passadissa..." Prix Antigone/Ville de Montpellier 1998. (occitá) ISBN : 2-905828-96-x - 1997. 256p. 15.24 Euros |
|||
|
Escriture esparnhaire pasmens, la
dimension corta de cada novèla n'es la pròva, que s'esparpalha pas
dins de laberints romantics. La vida, la mòrt, la beutat, l'amor,
tot çò pus ordinari e pasmens vital es dich aquí sens ornamenta. Totas
la novèlas aquesta son escrichas en provençal, a despart de «Tonin»,
qu'es en lengodocian, per causida conscienta e volontatària. Premi Jaufre RUDEL 1999 de la région Aquitaine. (occitá) ISBN : 2-912966-10-8 - 1999. 96p. 11.50 Euros |
|||
|
«Ara, mòrt, sias encara pus viu
benlèu. Jamai te podrai pas pus jónher, m'as barrada la porta qu'encara
me podià menar daus tu. Lo sol biais de te tornanr trapar, e mai
tas enganas, es pas l'escriure coma o cresiái d'en primièr, l'escriure
qu'escafa tot, es que te pòsca solament seguir dins la mòrt amb la
meteissa serenitat, lo còs espandit dins una jaça, e una rega de sang
lo long de la gauta coma una grema». ISBN : 2-912966-18-3 - 1999. 67p. 7.62 Euros |
|||
|
Amb aqueles Contes libertins i faulas
amorosas, aqui doas garbas de sèt istorias d'umor e d'amor, seguidas
d'una brèva escorreguda del gaudi picaresc, que serà benlèu vista
coma la risolièra e ça que la plan grèva finida d'aquesta nova aventura
narrativa. I trobam un escrivan a la cima de son mestièr dels mots
e de las istorias, tot al plaser de contar e d'entraïnar amb el son
legeire dins lo laberint de sa fantasia. ISBN : 2-912966-27-2 - 2000. 143p. 12 Euros |
|||
|
Una ficcion istorica que sos fils
se debanan a l'entorn de doas figuras a l'encòp enigmaticas e especialament
portairas de sens divèrses : a la començança, la de Juli Cesar
Vanini, lo « libertin filosòf » que, partit d'Itàlia (Taurisano dins
las Polhas), finiguèt sa vida, aprèp de sejorns a Padoa, Venécia,
París, Genoa e Londres, sul lenhièr de la plaça del Salin, a Tolosa,
lo 9 de febrièr de 1619. E a l'abotiment, l'autra figura, tan pastada
de mistèri e d'interrogacions, de l'Enric II de Montmorency, descapitat,
se sap, dins la cort del dedins del Capitòli tolosan, lo 30 d'octòbre
de 1632. Trevat per l' «ombra del grand Godolin» – la preséncia del
poèta mondin fa lo ligam secret mas essencial entre los protagonistas
màgers del raconte e son quite autor – L'Eròi talhat emplega totas
las armas de l'escritura narrativa per fin de nos acaminar dins l'espés
sens nom e sens cara d'aquela succession d'istòrias dins l'Istòria.
(occitan) ISBN : 2-912966-43-4 - 2001. 276 p. 15.24 Euros |
|||
|
||||
| Haut de page
Accueil > Occitan > Prosa Occitana Email: trabucaire@wanadoo.frCopyright, Trabucaire 2001
|
